113 கிலோகிராம் ஹெரோய்ன் கைப்பற்றப்பட்டுள்ளது

இந்த வருடத்தின் ஜனவரி மாதம் முதலாம் திகதியிலிருந்து பெப்ரவரி மாதம் 6ஆம் திகதி வரை நாடு பூராகவும்  மேற்கொள்ளப்பட்ட சுற்றிவளைப்பின் போது, 113 கிலோ கிராம் ஹெரோய்ன் தொகை கைப்பற்றப்பட்டுள்ளதாகத் தெரிவிக்கப்படுகின்றது.

குறித்த ஹெரோய்ன் தொகையுடன் 4370 சந்தேகநபர்கள் கைதுசெய்யப்பட்டுள்ளனரென, பொலிஸ் ஊடகப் ​பேச்சாளர் அலுவலகம் தெரிவித்துள்ளது.

இதேவேளை குறித்த காலப்பகுதியில் 519 கிலோகிராம் கஞ்சா கைப்பற்றப்பட்டுள்ளதுடன் 4290 நபர்கள் கைதுசெய்யப்பட்டுள்ளனர்.

பொலிஸ் போதை ஒழிப்பு பிரிவு, பொலிஸ் விசேட படையணி, இராணுவத்தால் இச்சுற்றிவளைப்புகள்  மேற்கொள்ளப்பட்டதென்றும் பொலிஸ் ஊடகப் ​பேச்சாளர் அலுவலகம் தெரிவித்துள்ளது.