பல்கலைக்கழக ஊழியர்கள் சுகவீன விடுமுறைப் போராட்டம்

(எஸ்.எம்.எம்.றம்ஸான்)

சம்பள முரண்பாட்டுக்கான தீர்வினை விரைபடுத்துமாறு  கோரி அனைத்து பல்கலைக்கழக ஊழியர் கழக   சம்மேளனம் ஏற்பாடு செய்திருந்த சுகவீன விடுமுறைப் போராட்டம்    நேற்று திங்கட்கிழமை நாடு பூராகவுமுள்ள 15 பல்கலைக்கழகங்களில் நடைபெற்றன.

தென்கிழக்கு பல்கலைக்கழக உத்தியோகஸ்தர்களும் ஊழியர்களும்  நேற்றையதினம்   சுகவீன போராட்டத்தில் ஈடுபட்டதன் காரணமாக பல்கலைக்கழக நிர்வாக நடவடிக்கைகள் அனைத்தும் ஸ்தம்பிதமடைந்திருந்தன.

இதற்கு முன்னோடியாக கடந்த 07ஆம் திகதி ஒரு மணிநேர அடையாள வேலை நிறுத்தம் பல்கலைக்கழகங்களில் நடைபெற்றிருந்தன.