விபத்தில் பெண் பலி: இருவர் காயம்

களுத்துறையிலிருந்து பண்டாரவளை நோக்கி சென்று கொண்டிருந்த வானொன்று பண்டாரகம வீவிட்ட வீதியால் சென்று கொண்டிருந்த மோட்டார்சைக்கிளுடன் மோதி விபத்துக்குள்ளானதில், மோட்டார் சைக்கிள் பயணித்த 34 வயதான பெண்ணொருவர் உயிரிழந்ததுடன் மேலும் இருவர் காயமடைந்து பண்டாரகம வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

வீவிட்ட வீதியால் சென்று கொண்டிருந்த வானொன்று கட்டுப்பாட்டை இழந்து  மோட்டார் சைக்கிளொன்றுடன்  மோதி, பின்னர் மரமொன்றுடன் மோதியுள்ளது.

வான் சாரதியும் அதில் பயணித்த ஒருவருமே காயமடைந்துள்ளதாக தெரிவித்த பொலிஸார், மேலதிக விசாரணைகளை மேற்கொண்டு வருவதாகவும் தெரிவித்தனர்.