உலக யுத்த அநாதைகள் தினத்தை முன்னிட்டு கவனியீர்ப்பு ஆர்ப்பாட்டம்

உலக யுத்த அநாதைகள் தினத்தை தினத்தை முன்னிட்டு, யுத்தத்தினால் பாதிக்கப்பட்டவர்களின் உறவுகள், மூதூர் - பாரதிபுரம் சிவன் கோயிலுக்கு முன்னாள் அமைதியான முறையில் கவனியீர்ப்பு ஆர்ப்பாட்டமொன்றை இன்று (06) முன்னெடுத்தனர்.

இதன்போது ஆர்ப்பாட்டத்தில் ஈடுபட்டவர்கள், காணாமல் ஆக்கப்பட்ட உறவுகளுக்கு நீதி கிடைக்க வேண்டும் , பாதிக்கப்பட்ட குடும்பங்களுக்கு அரசாங்கம் வாழ்வாதார உதவிகளை வழங்க வேண்டும் , யுத்தத்தினால் பாதிக்கப்பட்ட குடும்பங்களைச் சேர்ந்த மாணவர்களின் கற்றலுக்கான உதவிகளை அரசாங்கம் செய்து தர வேண்டும் எனவும் கோரிக்கைகளை முன்வைத்தனர்.

இவர்கள் ஆர்ப்பாட்டத்தினை முன்னெடுப்பதற்கு முன்னர் சிவன்  கோயிலில் வழிபாட்டில் ஈடுபட்டனர்.