மூன்று மாதங்களின்பின் எரிவாயு விநியோகம்

தீஷான் அஹமட்

சுமார் மூன்று மாதங்களுக்கு பின்னர் திருகோணமலை - தோப்பூர் பகுதியைச் சேர்ந்த பொதுமக்களுக்கு லிட்ரோ சமையல் எரிவாயு இன்று (21)  விநியோகிக்கப்பட்டது.

தோப்பூர் உப பிரதேச செயலகப் பிரிவைச் சேர்ந்த 12 கிராமங்களைச் சேர்ந்தோருக்கு  750 சிலிண்டர்கள் தோப்பூர் அல்ஹம்றா மத்திய கல்லூரி மைதானத்தில் வைத்து இவ்வாறு  விநியோகம் செய்யப்பட்டது.

தோப்பூர் உப பிரதேச செயலகப் பிரிவின் உத்தியோகத்தர்களின் கண்காணிப்பில், கடந்த மே மாதத்துக்கான மின்சார கட்டணப் பட்டியலின் பிரகாரம் சமையல் எரிவாயு விநியோகிப்பட்டது.

இதன்போது  பிரதேச செயலக உத்தியோகத்தர்களுக்கும் பொதுமக்களுக்குமிடையில் வரிசை சரியாக இல்லையெனத் தெரிவித்து,சிறிய வாய்த்தர்க்கமும் இடம்பெற்றதை காணமுடிந்தது.