யானையினால் வீடு சேதம்

-எம்.என்.எம்.புஹாரி

திருகோணமலை, வெருகல் பிரதேச செயலாளர் பிரிவுக்குட்பட்ட உப்பூரல் கிராமத்திற்குள் நேற்று திங்கட்கிழமை இரவு உட்புகுந்த காட்டு யானையொன்று, வீடொன்றின் சமையல் அறையையும் தென்னை மரமொன்றையும் சேதப்படுத்தியுள்ளது.

சத்தம் கேட்டு வீட்டு உரிமையாளர் கண் விழித்துப் பார்த்தபோது, சமையல் அறையை யானை உடைத்துக்கொண்டிருந்தது. இந்நிலையில், தனது மனைவியையும் 04 பிள்ளைகளையும் அழைத்துக்கொண்டு வீட்டின் பின் கதவு வழியாக வெளியில் சென்றதாக சேருநுவரப் பொலிஸில் வீட்டு உரிமையாளர் செய்த முறைப்பாட்டில் தெரிவிக்கப்பட்டுள்ளது.