திருமலையில் மீனவர் நீரில் மூழ்கி மரணம்

(எஸ்.எஸ்.குமார்)

திருகோணமலை மாவட்டம்  குச்சவெளி பிரதேச செயலாளர் பிரிவு வாழையூற்று இறக்கண்டி என்னும் இடத்தில் நீரில் மூழ்கி மீனவர் ஒருவர் மரணமாகியுள்ளார்.

காளிமுத்து ரவிச்சந்திரன் (வயது 38) என்ற  3 பிள்ளைகளின் தந்தையே இவ்வாறு மரணமானவர் ஆவார்.

குறித்த மீனவர் நேற்று வியாழக்கிழமை  மாலை அருகில் உள்ள நீரோடையில் தொழிலுக்காகச்  சென்றிருந்தபோது இந்தச் சம்பவம் இடம்பெற்றுள்ளது.  

சடலம் குச்சவெளி பொலிஸாரால் கண்டுபிடிக்கப்பட்டு திருகோணமலை பொது வைத்தியசாலை பிரேத அறையில் வைக்கப்பட்டுள்ளது.