மூதூரில் கஞ்சாவுடன் பெண்ணொருவர் கைது

(எஸ்.மாறன்)

மூதூர் தாஹா நகரினை சேர்ந்த 39 வயதுடைய பெண்ணொருவரை 250 கிராம் கஞ்சாவுடன் அவரது வீட்டில் வைத்து இன்று மாலை 2 மணியளவில் மூதூர் பொலிஸார் கைதுசெய்துள்ளனர்.

மூதூர் பொலிஸாருக்கு கிடைத்த இரகசிய தகவலின் பேரில் குறித்த நபரின் வீட்டினை முற்றுகையிட்ட பொலிஸார் 250 கிராம் கஞ்சாவினை கைப்பற்றியதுடன் சந்தேகநபரினையும் கைதுசெய்தனர். மேலதிக விசாரணைகளை மேற்கொண்டுவரும் மூதூர் பொலிஸார் குறித்த பெண்ணினை நீதிமன்றில் ஆஜர்படுத்தும் நடவடிக்கைகளை மேற்கொண்டு வருகிறார்கள்.