கஞ்சா வைத்திருந்த மூவருக்கு விளக்கமறியல்

(அப்துல்சலாம் யாசிம்)

கஞ்சாவை  பைகளில் அடைத்துக்கொண்டிருந்த வேளையில்  கைதுசெய்யப்பட்ட மூவரையும் எதிர்வரும் 06ஆம் திகதி வரை விளக்கமறியலில் வைக்குமாறு திருகோணமலை நீதிமன்ற நீதவான் உத்தரவிட்டார்.

இந்த மூவரும் இன்று வெள்ளிக்கிழமை நீதிமன்றத்தில் ஆஜர்படுத்தப்பட்டபோதே இதற்கான உத்தரவு பிறப்பிக்கப்பட்டது.
திருகோணமலை, ஐமாலியா பகுதியிலுள்ள  வீடொன்றில் கஞ்சாவை  பைகளில் அடைத்துக்கொண்டிருந்தபோது நேற்று வியாழக்கிழமை இவர்கள் கைதுசெய்யப்பட்டதாக பொலிஸார் கூறினர்.  

கஞ்சா விற்பனையில் ஈடுபட்டு வருவதாக பொதுமக்கள் வழங்கிய தகவலையடுத்தே இவர்கள் கைதுசெய்யப்பட்டதாக திருகோணமலை தலைமையக பொலிஸ் பொறுப்பதிகாரி சரித்த ஏ.பி.ஜெயசுந்தர தெரிவித்தார். கைதுசெய்யப்பட்டவர்களில்   இரு  பெண்களும் ஒரு ஆணும் அடங்குவதாகவும் அவர் கூறினார்.

மொஹிதீன் முகம்மது றாசா (வயது 58) எம்.ஆர்.ஏ.ஜிப்ரியா (வயது 30) பீ.எம்.ரைமா (வயது 50) ஆகியோர்களே கைதுசெய்யப்பட்டவர்கள் ஆவார்.