முஸ்லிம் எய்ட் நிறுவனத்தின் நிதியுதவியில் பாலர் பாடசாலை கட்டிடம் நிர்மாணம்

(அப்துல் சலாம் யாசீம்)

முஸ்லிம் எய்ட் நிறுவனத்தின் நிதியுதவியில் கிராமியப் பொருளாதார மற்றும் சமூக அபிவிருத்தி அமைப்புயினால் நிர்மாணிக்கப்பட்ட தம்பலாகம நூருல் ஜன்னாஹ் பாலர் பாடசாலை கட்டிடம் நேற்று ஞாயிற்றுக்கிழமை திறந்துவைக்கப்பட்டது.

இந்நிகழ்வில் முஸ்லிம் எய்டின் இலங்கை பணிப்பாளர் பைசர் கான், தம்பலாகமப் பிரதேச செயலாளர் தென்னக்கோன், தம்பலாகமப் பிரதேச சபைத் தவிசாளர் சுபியான் உட்பட பலர் கலந்துகொண்டனர்.

இந்நிகழ்வின் ஞாபகார்த்தமாக மரக்கன்றுகளும் நடப்பட்டன.

தம்பலாகம நூருல் ஜன்னாஹ் பாலர் பாடசாலை கடந்த 2005ஆம் ஆண்டு ஜனவரி மாதம் 11ஆம் திகதி மர நிழலில் ஆரம்பிக்கப்பட்டமை குறிப்பிடத்தக்கது.