கிண்ணியா வலய கல்வி பணிப்பாளர் மீது இனந்தெரியாத குழுவினர் தாக்குதல்

(எம்.பரீட், எஸ்.எஸ்.குமார்)

கிண்ணியா வலய  கல்வி பணிப்பாளர் யூ.எல்.எம்.ஹாசீம் இனந்தெரியாத குழுவொன்றினால் இன்று செவ்வாய்கிழமை மாலை தாக்கப்பட்டுள்ளதாக கிண்ணியா பொலிஸில் முறைப்பாடு செய்யப்பட்டுள்ளது.

இவர் திருகோணமலையில் இடம்பெற்ற கல்வி செயலமர்வில் கலந்துகொண்டு விட்டு வீடு திரும்பி கொண்டிருந்த போதே இத்தாக்குதல் மேற்கொள்ளப்பட்டுள்ளது.

வலய கல்வி பணிப்பாளர் யூ.எல்.எம்.ஹாசீம் தற்போது கிண்ணியா தள வைத்தியசாலையில் சிகிச்சைகளுக்காக அனுமதிக்கப்பட்டுள்ளார்.

இது தொடர்பான மேலதிக விசாரணைகளை கிண்ணியா பொலிஸார் மேற்கொண்டு வருகின்றனர்.