செஞ்சிலுவைச் சங்கத்தின் திருகோணமலை கிளையினால் உழவு இயந்திரங்கள் வழங்கிவைப்பு

(எஸ்.எஸ்.குமார்)

இலங்கை செஞ்சிலுவைச் சங்கத்தின் திருகோணமலை கிளையினால் கிராம அபிவிருத்தி சங்கங்களுக்கு இரண்டு சக்கர உழவு இயந்திரங்கள் 10 நேற்று வியாழக்கிழமை வழங்கி வைக்கப்பட்டுள்ளன.

கந்தளாய் பிரதேசத்திற்கு  3 உழவு இயந்திரங்களும் மூதூர் பிரதேசத்திற்கு  4 உழவு இயந்திரங்களும்  பதவிசிறிபுர பிரதேசத்திற்கு 3 உழவு இயந்திரங்களும் என  பகிர்ந்தளிக்கப்பட்டு வழங்கப்பட்டுள்ளன.

பிரதேச செயலகங்கள் மூலமாக  கிராம அபிவிருத்தி சங்கத்தினரிடம் இவ் உழவு இயந்திரங்கள் கையளிக்கப்பட்டன.

இந்நிகழ்வில்  இலங்கை செஞ்சிலுவைச் சங்கத்தின் திருகோணமலை கிளை நிறைவேற்று அதிகாரி என்.சந்திரகுமார் கலந்து கொண்டார்.