திருமலை. பாடசாலைகளுக்கு கிழக்கு முதலமைச்சர் விஜயம்

(சி.குருநாதன்)

கிழக்கு மாகாண முதலமைச்சர் சிவனேசதுரை சந்திரகாந்தன் கடந்த வியாழக்கிழமை திருகோணமலை நகரில் உள்ள பல பாடசாலைகளுக்கு திடீர் விஜயம் மேற்கொண்டு பாடசாலைகளின் தேவைகளை நேரில் விசாரித்து அறிந்து கொண்டார்.

திருகோணமலை நகரில் உள்ள ஸ்ரீ சண்முகா இந்து மகளிர் கல்லூரி, புனித மரியாள் கல்லூரி, ஸ்ரீ கோணேஸ்வரா இந்துக் கல்லூரி, லிங்கநகர் கோணலிங்க மகா வித்தியாலயம், பாலையூற்று ஸ்ரீவாணி வித்தியாலயம் ஆகியவற்றுக்கு முதலமைச்சர் நேரில் விஜயம் செய்து அங்குள்ள குறைபாடுகள் மற்றும் தேவைகளைக் கேட்டறிந்து கொண்டதுடன் பாடசாலைகளின் அவசிய தேவைகளை நிறைவேற்றிக் கொடுப்பதற்கு தேவையான உத்தரவுகளையும் பிறப்பித்தார்.