குருளைச்சாரணர் வெளிக்கள தினம்

(கஜன்)
திருகோணமலை மாவட்ட சாரணர் சங்கம் நடத்திய குருளைச்சாரணர் வெளிக்கள தினம் ஸ்ரீ கோணேஸ்வரா இந்துக் கல்லூரி மைதானத்தில் நேற்று திங்கட்கிழமை நடைபெற்றது.

10  சாரணர் குழுக்களைச் சேர்ந்த 215 குருளையர்களும் 15 சாரணர் தலைவர்களும் இதில் பங்கு கொண்டிருந்தனர். இதன்போது, குருளையர்களின் திறன்களை வெளிப்படுத்தும் போட்டிகளும் இங்கு இடம்பெற்றன.

இந்நிகழ்வில், திருகோணமலை வலயக் கல்வி பணிப்பாளர் கிறிஸ்டி முருகுப்பிள்ளை பிரதம அத்தியாகவும், ஓய்வு நிலை அதிபர் நா.இராஜநாதன் கௌரவ விருந்தினராகவும் கலந்துகொண்டனர்.

இவ்வருடம் நடைபெற்ற 5ஆம் தர புலமைப்பரிசில் பரீட்சையில் தகைமை பெற்ற 21 குருளை  சாரணர்களும், 100 புள்ளிகளுக்கு மேல் பெற்ற 82 குருளையர்களும் இதன்போது  பரிசில்கள் வழங்கி கௌரவிக்கப்பட்டனர்.