ரயிலில் மோதுண்டு செவிப்புலனற்ற இளைஞன் பலி; திருமலையில் சம்பவம்

(ரமன்)

கொழும்பிலிருந்து திருகோணமலைக்கு பயணித்த புகையிரதத்தில் மோதுண்டு நாகநாதன் கமல்ராஜ் (வயது 25) என்ற செவிப்புலன் அற்ற இளைஞன் மரணமடைந்துள்ளார்.

அத்துடன் இவருடன் புகையிரதப்பாதையில் நடந்து வந்த மற்றுமொரு இளைஞன் படுகாயம் அடைந்த நிலையில் திருகோணமலை பொதுவைத்தியசாலையின் அதிதீவிர சிகிச்கை பிரிவில் அனுமதிக்கப்பட்டுள்ளார்.

திருகோணமலை  நகரை அன்மித்த பாலையூற்று - லிங்கநகர் சந்தி ஆகிய இரு பிரதேசங்களுக்கும் இடைப்பட்ட புகையிரத பாதையிலையே இவ்விபத்து இன்று பகல் நடைபெற்றுள்ளது. திருமலை பொலிஸார் மேலதிக விசாரணைகளை மேற்கொண்டு வருகின்றனர்.