பொலிஸ் நிலையத்தில் மனைவியை துப்பாக்கியால் சுட்ட படைச்சிப்பாய்

திஸ்ஸமஹாராம பொலிஸ் நிலையத்தில் படைச் சிப்பாய் ஒருவர் தனது மனைவியை துப்பாக்கியால் சுட்டுள்ளதாக பொலிஸார் தெரிவித்தனர்.

இன்று சனிக்கிழமை இடம்பெற்ற இச்சம்பவத்தில் காயமடைந்த இப்பெண், ஆபத்தான நிலையில் மாத்தறை வைத்தியசாலையில் அனுமதிக்கப்பட்டுள்ளார்.

மேற்படி படைவீரர் தனது பிஸ்டலை உருவி அவரின் மனைவி மீது துப்பாக்கிப் பிரயோகம் செய்ததாக சிரேஷ்ட பொலிஸ் அதிகாரியொருவர் தெரிவித்தார்.  அப்படைச்சிப்பாய் கிறனேட் ஒன்றையும் எறிந்துள்ளார். ஆனால் அது வெடிக்கவில்லை.

19 வயதான இந்த யுவதியை 26 வயதான தான் திருமணம் செய்ததாகவும் ஆனால் இருவரையும் ஒன்றாக வாழ்வதற்கு மனைவியின் குடும்பத்தினர் அனுமதிக்கவில்லை எனவும் மேற்படி படைச்சிப்பாய் முறைப்பாடு செய்ததாக பொலிஸார் தெரிவித்தனர். (டைம்ஸ் ஒன்லைன்)