அமெரிக்கப் பகிரங்கத் தொடரில் கிளிஜ்ஸ்டர்ஸ் மீண்டும் சம்பியன்

அமெரிக்கப் பகிரங்க டென்னிஸ் சுற்றுப்போட்டியில் நடப்புச் சம்பியனான பெல்ஜிய வீராங்கனை கிம் கிளிஜ்ஸ்டர்ஸ் மீண்டும் சம்பியனாகியுள்ளார்.

நேற்றிரவு நடைபெற்ற இறுதிப்போட்டியில் ரஷ்ய வீராங்கனை வேரா ஸ்வோனெரேவாவை 6-2, 6-1 விகிதத்தில் கிளிஜ்ஸ்டர்ஸ் தோற்கடித்தார்.  59 நிமிடங்களில் இப்போட்டி முடிவுற்றது.

1980 ஆம் ஆண்டின் பின்னர் மிகக்குறுகிய நேரத்தில் முடிவுற்ற அமெரிக்க பகிரங்க டென்னிஸ் தொடரின் இறுதிப் போட்டி இதுவாகும்.

அமெரிக்கப் பகிரங்கத் தொடரில் கிம் கிளிஜ்ஸ்டர்ஸ் சம்பியனாகியமை இது மூன்றாவது தடவையாகும். 27 வயதான கிளிஜ்டர்ஸ் ஏற்கெனவே 2005, 2009 ஆம் ஆண்டுகளிலும் சம்பியனாகியிருந்தார்.