சங்கக்கார, மஹேலவுக்கு ஆதரவாக ரசிகர்கள் ஆர்ப்பாட்டம்

சுதந்திர சதுக்கத்தில் இன்று மாலை ஒன்றுதிரண்ட தீவிர கிரிக்கெட் ரசிகர்கள் சிலர் , இலங்கைக் கிரிக்கெட் அணியின் தலைவர் குமார் சங்கக்கார மற்றும் உபதலைவர் மஹேல ஜயவர்தன ஆகியோரை அப்பதவிகளிலிருந்து ராஜினாமா செய்ய வேண்டாமென வலியுறுத்தியுள்ளனர்.

சங்கக்காரவின் ஆதரவாளர்களால் பேஸ்புக் இணையத்தளம் மூலம் இந்த நிகழ்வு ஏற்பாடு செய்யப்பட்டிருந்தது.

இதில் கலந்துகொள்வதற்கு 6512 பேர் விருப்பம் தெரிவித்திருந்தனர். எனினும் 17 பேர் மாத்திரமே கலந்துகொண்டதாக ஏ.எவ்.பி. தெரிவித்துள்ளது.

நிகழ்வு நடைபெறும் இடம் குறித்த தவறான புரிந்துணர்வு காரணமாக சிலர் வேறு பூங்காங்களுக்கு சென்றிருக்கக்கூடு; என ஏற்பாட்டாளர் ஒருவர் செய்தியாளர்களிடம் தெரிவித்துள்ளார். (Pix by Waruna Wanniarachchi)