மழையின் உதவியுடன் தப்பியது இலங்கை அணி

இலங்கை  - அவுஸ்திரேலிய அணிகளுக்கிடையிலான இரண்டாவது டெஸ்ட் கிரிக்கெட் போட்டி இன்று வெற்றி தோல்வியின்றி முடிவுற்றது.

பள்ளேகல சர்வதேச கிரிக்கெட் அரங்கில் நடைபெற்ற இப்போட்டியின் 4 ஆவது நாளான நேற்றைய ஆட்டமுடிவின்போது இலங்கை அணி 2 விக்கெட் இழப்பிற்கு 223 ஓட்டங்களைப் பெற்றிருந்தது. ஆனால் இன்று  பிற்பகல் 307 ஓட்டங்களைப் பெற்ற நிலையில் இலங்கை அணியின் 5 ஆவது விக்கெட் வீழ்ந்தது.

இலங்கை அணி 7 விக்கெட் இழப்பிற்கு 317 ஓட்டங்களைப் பெற்று நெருக்கடியில் இருந்தபோது மழை பெய்யத் தொடங்கியது. அதன்பின் ஆட்டம் நிறுத்தப்பட்டது. அப்போது இலங்கை அணி 80 ஓட்டங்களால் மாத்திரேம முன்னிலையில் இருந்தமை குறிப்பிடத்தக்கது.

இப்போட்டியின் சிறப்பாட்டக்காரராக அவுஸ்திரேலிய வீரர் மைக் ஹஸி தெரிவானார்.

இத்தொடரின் 3 ஆவதும் இறுதியுமான போட்டி கொழும்பு எஸ்.எஸ்.சி. மைதானத்தில் எதிர்வரும் 16 ஆம் திகதி ஆரம்பமாகவுள்ளது.