விசாரணை அறிக்கை இன்று சட்டமா அதிபரிடம் கையளிக்கப்படவுள்ளது

தீவிரவாதத் தாக்குதல் இடம்பெறுவதற்கு ஏதுவான காரணம், அதன் பொறுப்புகளிலிருந்து விலகியமைத் தொடர்பில் ஆராய்வதற்காக நியமிக்கப்பட்ட விசேட விசாரணைக் குழுவின் இரண்டாவது இடைக்கால அறிக்கையானது, இன்றைய தினம் (8) சட்டமா அதிபரிடம் கையளிக்கப்படவுள்ளது.

இது தொடர்பான முதலாவது அறிக்கை ஜனாதிபதிக்கும் கிடைக்கப்பெற்றுள்ளதாக ஜனாதிபதியின் ஊடகப் பிரிவு தெரிவித்துள்ளது.

குறித்த தாக்குதல் சம்பவம் தொடர்பில் ஆராய்வதற்காக, உயர்நீதிமன்ற நீதியரசர் விஜித் மலலகொட, அமைச்சின் செயலாளர் பத்மசிறி ஜயமான்ன, முன்னாள் பொலிஸ்மா அதிபர் இளங்கக்கோன் ஆகியோரைக் கொண்ட குழுவே நியமிக்கப்பட்டது.

இந்தக் குழுவின் அறிக்கையானது இன்னும் ஒரு வாரத்தில் மக்களுக்கு காண்பிக்கப்படும் என ஜனாதிபதியின் ஊடகப் பிரிவு அறிவித்துள்ளமைக் குறிப்பிடத்தக்கது.