இறந்த நிலையில் மீன்கள்...

வடமலை  ராஜ்குமார்

திருகோணமலை கடற்கரையில்,  பெருமளவு மீன்கள்  இறந்த நிலையில் கரையொதுங்கி வருகின்றன. பூச்சக்கன்னி  (சிங்களத்தில் போலோ)   எனப்படும் பெறுமதியான மீன் இனத்தைச் சேர்ந்த மீன்களே, இவ்வாறு கரையோதுங்குகின்றன.

சுமார் 20 ஆயிரம் கிலோகிராமுக்கு அதிகமான மீன்கள்,  இதுவரை இறந்த நிலையில் கரையோதுங்கியுள்ளதாக இப்பகுதி மீனவர்கள் தெரிவிக்கின்றனர்.

இதற்கான காரணத்தை கடற்றொழில் திணைக்கள அதிகாரிகள்  ஆராய்ந்து வருகின்றனர்.

மேலும் நேற்று 2ஆம் திகதி 10 ஆயிரம் கிலோகிராமுக்கு  அதிகமான மீன்கள், கரைவலை மூலம் பிடிக்கப்பட்டுள்ளன என்பது குறிப்பிடத்தக்கது.