ஓராண்டு கடந்தது...

துவாரக்ஷான்

இலங்கைத் தொழிலாளர் காங்கிரஸின் முன்னாள் தலைவர் அமரர் ஆறுமுகன் தொண்டமானின் ஓராண்டு நினைவுதினத்தையொட்டி, நுவரெலியா பிரதேச சபையில் விசேட அஞ்சலி நிகழ்வு இடம்பெற்றது.

நுவரெலியா பிரதேச சபையின் தவிசாளர் வேலு யோகராஜின்  ஏற்பாட்டில் பொதுசுகாதார விதிமுறைகளுக்கு அமைவாக நடைபெற்ற இந்நிகழ்வில், அமரர் ஆறுமுகன் தொண்டமானின் திருவுருவப் படத்துக்கு மலர்மாலை செலுத்தி, தீபங்கள் ஏற்றி அஞ்சலி செலுத்தப்பட்டது.

அத்துடன் பிரதேச சபை வளாகத்தில் மரக்கன்றுகளும் நடப்பட்டன.

மேலும்,  நானுஓயா ரதெல்ல கீழ், மேற்பிரிவு பிரிவுகள், எடின்புரோ, டெஸ்போட், கிரிமிட்டிய, பிளக்பூல் மீப்பிளிமான, சென் ஜோன்ஸ், கந்தபளை ஆகியப் பகுதிகளில் தனிமைப்படுத்தப்பட்டுள்ள குடும்பங்களுக்கு, உலருணவுப் பொருட்களும் கையளிக்கப்பட்டன.