அவுஸ்திரேலிய பகிரங்க டென்னிஸ் தொடரை தவறவிடும் பெடரர்

அவுஸ்திரேலிய பகிரங்க டென்னிஸ் தொடரை முதற்தடவையாக உலகின் ஐந்தாம்நிலை வீரரான ரொஜர் பெடரர் தவறவிடுகின்றார்.

முழங்கால் சத்திரசிகிச்சையிலிருந்து சுவிற்ஸர்லாந்தின் பெடரர் மீண்டு வருகையிலேயே இத்தொடரை அவர் தவறவிடுகின்றார்.

இவ்வாண்டு ஜனவரி மாதத்திலிருந்து இரண்டு சத்திரசிகிச்சைகள் காரணமாக 39 வயதான பெடரர் விளையாடவில்லை என்பது குறிப்பிடத்தக்கது.

20 தடவைகள் கிரான்ட் ஸ்லாம் பட்டங்களை பெடரர் வென்றுள்ள நிலையில், 21 ஆண்டுகள் தொடர்ச்சியாக அவுஸ்திரேலியாவில் விளையாடி அங்கு ஆறு பட்டங்களைப் பெற்றுள்ளார்.