இங்கிலாந்துக் குழாமில் ஒலி போப்

இங்கிலாந்து, இந்திய அணிகளுக்கிடையிலான ஐந்து போட்டிகள் கொண்ட டெஸ்ட் தொடரின் இரண்டாவது டெஸ்டுக்கான இங்கிலாந்துக் குழாம் அறிவிக்கப்பட்டுள்ள நிலையில், குறித்த குழாமில் இளம் துடுப்பாட்ட வீரர் ஒலி போப் இடம்பெற்றுள்ளார்.

முதலாவது டெஸ்டுக்கான இங்கிலாந்துக் குழாமில் இடம்பெற்றிருந்த டேவிட் மலனை போப் பிரதியீடு செய்வதோடு, இன்று முதல் தனது வழக்கு விசாரணைகளை எதிர்கொள்ளும் பென் ஸ்டோக்ஸை கிறிஸ் வோக்ஸ் இரண்டாவது டெஸ்டுக்கான இங்கிலாந்துக் குழாமில் பிரதியீடு செய்துள்ளார்.

முதலாவது டெஸ்டுக்கான குழாமில் இடம்பெற்றிருந்து போட்டியில் விளையாடியிருக்காத மொயின் அலி, ஜேமி போர்ட்டன் உட்பட முதலாவது டெஸ்டில் விளையாடிய ஏனைய வீரர்கள் அனைவரும் இரண்டாவது டெஸ்டுக்கான குழாமில் இடம்பெற்றுள்ளனர்.