இந்தியாவுக்கெதிரான 3ஆவது டெஸ்டிலும் வோர்னர் சந்தேகம்

அடிவயிற்றுக் காயமொன்றைத் தொடர்ந்து முன்னைய உடற்றகுதியைப் பெற அவுஸ்திரேலியாவின் ஆரம்பத்துடுப்பாட்டவீரர் டேவிட் வோணர் தடுமாறுகையில், இந்தியாவுக்கெதிரான மூன்றாவது டெஸ்டிலும் அவர் விளையாடுவது சந்தேகம் எனக் கூறப்பட்டுள்ளது.

வலைப்பயிற்சியில் வோர்னர் ஈடுபடுகின்றபோதும் அவரது நடமாட்டமானது கட்டுப்பட்டளவிலேயே காணப்படுவதாக அவுஸ்திரேலியாவின் பயிற்சியாளர் ஜஸ்டின் லாங்கர் தெரிவித்துள்ளார்.

அவுஸ்திரேலிய சிறந்த ஆரம்பத்தைப் பெறத் தடுமாறுகையில் குறித்த செய்தி அவ்வணிக்கு வருத்தமளிப்பதாயுள்ளது.

மூன்றாவது டெஸ்ட்டானது அடுத்த மாதம் ஏழாம் திகதி ஆரம்பிக்கவுள்ளது.