இ – 20 உலகக் கிண்ணம்: 196 ஓட்டங்களைப் பெற்ற ஐ. அமெரிக்கா

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், சென்னையில் நடைபெற்று வரும் நெதர்லாந்துக்கெதிரான குழு ஏ போட்டியில் முதலில் துடுப்பெடுத்தாடப் பணிக்கப்பட்ட ஐக்கிய அமெரிக்கா 196 ஓட்டங்களைப் பெற்றுள்ளது.

சைடெஜா முக்கமல்லாவின் 79 (51), ஷுபம் ரஞ்சனேயின் ஆட்டமிழக்காத 48 (24), அணித்தலைவர் மொனாக் பட்டேலின் 36 (22), ஷயான் ஜஹங்கிரின் 20 (14) ஓட்டங்களோடு 20 ஓவர்களில் 6 விக்கெட்டுகளை இழந்து 196 ஓட்டங்களைப் பெற்றது. பந்துவீச்சில் பஸ் டீ லீட் 4-0-37-3, லோகன் வான் பீக் 4-0-28-1, கைல் கிளெய்ன் 4-0-35-1 என்ற பெறுதிகளைக் கொண்டிருந்தனர்.