சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களின் தரவரிசையில் இரண்டாமிடத்துக்கு பாகிஸ்தானின் அணித்தலைவர் பாபர் அஸாம் முன்னேறியுள்ளார்.
இங்கிலாந்துக்கெதிரான மூன்றாவது டெஸ்டில் 132 ஓட்டங்களைப் பெற்றமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தைப் பிடித்திருந்தார்.
இதேவேளை, தென்னாபிரிக்காவுக்கெதிரான முதலாவது டெஸ்டில் 92 ஓட்டங்களைப் பெற்ற அவுஸ்திரேலியாவின் ட்ரெவிஸ் ஹெட், ஏழாமிடத்திலிருந்து மூன்று இடங்கள் முன்னேறி நான்காமிடத்தை அடைந்துள்ளார்.
முதல் 10 துடுப்பாட்டவீரர்களின் தரவரிசை பின்வருமாறு,
1. மர்னுஸ் லபுஷைன், 2. பாபர் அஸாம், 3. ஸ்டீவ் ஸ்மித், 4. ட்ரெவிஸ் ஹெட், 5. ஜோ றூட், 6. றிஷப் பண்ட், 7. கேன் வில்லியம்ஸன், 8. திமுத் கருணாரத்ன, 9. றோஹித் ஷர்மா, 10. உஸ்மான் கவஜா.
இதேவேளை, மேற்குறிப்பிட்ட டெஸ்டில் 8 விக்கெட்டுகளைக் கைப்பற்றிய தென்னாபிரிக்காவின் ககிஸோ றபாடா, ஏழாமிடத்திலிருந்து நான்கு இடங்கள் முன்னேறி மூன்றாமிடத்தை அடைந்துள்ளார்.
முதல் 10 பந்துவீச்சாளர்களின் தரவரிசை பின்வருமாறு,
1. பற் கமின்ஸ், 2. ஜேம்ஸ் அன்டர்சன், 3. ககிஸோ றபாடா, 4. ஜஸ்பிரிட் பும்ரா, 5. இரவிச்சந்திரன் அஷ்வின், 6. ஒலி றொபின்ஸன், 7. ஷகீன் ஷா அஃப்ரிடி, 8. கைல் ஜேமிஸன், 9. மிற்செல் ஸ்டார்க், 10. நீல் வக்னர்.
இதேவேளை, இந்தியாவுக்கெதிரான முதலாவது டெஸ்டில் 87 ஓட்டங்களைப் பெற்ற பங்களாதேஷின் ஷகிப் அல் ஹஸன், சகலதுறைவீரர்களுக்கான தரவரிசையில், நான்காமிடத்திலிருந்து ஓரிடம் முன்னேறி மூன்றாமிடத்தை அடைந்துள்ளார்.
முதல் ஐந்து சகலதுறைவீரர்களின் தரவரிசை பின்வருமாறு,
1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. பென் ஸ்டோக்ஸ், 5. மிற்செல் ஸ்டார்க்.
