தரவரிசையில் ஐந்தாமிடத்துக்கு முன்னேறினார் ஹேசில்வூட்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் ஐந்தாமிடத்துக்கு அவுஸ்திரேலியாவின் ஜொஷ் ஹேசில்வூட் முன்னேறியுள்ளார்.

இந்தியாவுக்கெதிரான முதலாவது டெஸ்டில் ஆறு விக்கெட்டுகளைக் கைப்பற்றியதைத் தொடர்ந்தே, ஒன்பதாமிடத்திலிருந்து நான்கு இடங்கள் முன்னேறி ஐந்தாமிடத்தை ஹேசில்வூட் அடைந்துள்ளார்.

இதேவேளை, குறித்த டெஸ்டில் ஐந்து விக்கெட்டுகளைக் கைப்பற்றிய இந்தியாவின் சுழற்பந்துவீச்சாளர் இரவிச்சந்திரன் அஷ்வின், 10ஆம் இடத்திலிருந்து ஓரிடம் முன்னேறி ஒன்பதாமிடத்தை அடைந்துள்ளார்.

முதல் 10 பந்துவீச்சாளார்களின் தரவரிசை பின்வருமாறு,

1. பற் கமின்ஸ், 2. ஸ்டூவர்ட் ப்ரோட், 3. நீல் வக்னர், 4. டிம் செளதி, 5. ஜொஷ் ஹேசில்வூட், 6. ககிஸோ றபாடா, 7. மிற்செல் ஸ்டார்க், 8. ஜேம்ஸ் அன்டர்சன், 9. இரவிச்சந்திரன் அஷ்வின், 10. ஜேஸன் ஹோல்டர், ஜஸ்பிரிட் பும்ரா.

முதல் 10 துடுப்பாட்டவீரர்களின் தரவரிசை பின்வருமாறு,

1. ஸ்டீவ் ஸ்மித், 2. விராட் கோலி, 3. கேன் வில்லியம்ஸன், 4. மர்னுஸ் லபுஷைன், 5. பாபர் அஸாம், 6. டேவிட் வோணர், 7. பென் ஸ்டோக்ஸ், 8. செட்டேஸ்வர் புஜாரா, 9. ஜோ றூட், 10. டொம் லேதம்.

முதல் ஐந்து சகலதுறைவீரர்களின் தரவரிசை பின்வருமாறு,

1. பென் ஸ்டோக்ஸ், 2. ஜேஸன் ஹோல்டர், 3. இரவீந்திர ஜடேஜா, 4. ஷகிப் அல் ஹஸன், 5. மிற்செல் ஸ்டார்க்.