நோர்வூட் த.ம.வி இல்ல விளையாட்டுப் போட்டிகள்...

ஹட்டன் கல்வி வலயத்திற்கு உட்பட்ட நோர்வூட் தமிழ் மகா வித்தியாலயத்தின் 2025ஆம் ஆண்டிற்கான இல்ல விளையாட்டு போட்டி நோர்வூட் தொண்டமான் விளையாட்டு மைதானத்தில்   வியாழக்கிழமை (13)    நடைபெற்றது.

  வித்தியாலயத்தின் அதிபர் பி.முத்துலிங்கம் தலைமையிலும் உடற் கல்வி ஆசிரியர் எஸ்.ஸ்ரீகுமார் வழிகாட்டலிலும் நடைபெற்றதுடன் இந்நிகழ்விற்கு ஹட்டன் வலய கல்விப் பணிப்பாளர் ஆர். விஜேந்திரன் பிரதம அதிதியாக கலந்து சிறப்பித்தார்.
இல்ல விளையாட்டு போட்டியில் முதலாம் இடத்தை வளவை இல்லம் இரண்டாம் இடத்தை களனி இல்லமும் மூன்றாம் இடத்தை மகாவலி இல்லமும் பெற்றுக் கொண்டது. 

விளையாட்டு போட்டிக்கு கோட்டம் இரண்டின் கோட்டக் கல்விப் பணிப்பாளர் உட்பட்ட கல்வி புலத்தின் உத்தியோகத்தர்கள், பாடசாலையின் பழைய மாணவர்கள், பெற்றோர்கள், நலன்  விரும்பிகள் என பலரும் கலந்து சிற்பித்தமை குறிப்பிடத்தக்கது.

ஆர்.ரஞ்சன்