பெனர்பாச்சேயில் இணைந்த கன்டே

சவுதி அரேபிய கால்பந்தாட்டக் கழகமான அல்-இதிஹாட்டிலிருந்து மத்தியகளவீரரான என்கலோ கன்டேயைக் கைச்சாத்திட்டதை துருக்கியக் கழகமான பெனர்பாச்சே உறுதிப்படுத்தியுள்ளது.

முன்னதாக பெனர்பாச்சேயில் இணையும் கன்டேயின் நம்பிக்கை செவ்வாய்க்கிழமை (03) தகர்ந்திருந்தது. ஏனெனில் கன்டேயைக் கைச்சாத்திடும் நகர்வு தகர்ந்ததுக்கு அல்-இதிஹாட்டைச் சாடும் அறிக்கையொன்றை பெனர்பாச்சே வெளியிட்டிருந்தது.

கன்டேயைக் கைச்சாத்திடுவதற்குத் தேவையான ஆவணங்களை அல்-இதிஹாட் பூர்த்தி செய்யத் தவறியதாக பெனர்பாச்சே தெரிவித்திருந்தது. இந்த நகர்வில் பெனர்பாச்சேயின் முன்களவீரர் யூசுஃப் என்-நெஸிரி அல்-இதிஹாட்டுக்குச் செல்லவிருந்தார்.

இந்நிலையிலேயே பிரச்சினை தீர்க்கப்பட்டதாக புதன்கிழமை (04) பெனர்பாச்சே உறுதிப்படுத்தியிருந்தது.