மியாமி குரான் பிறீ: வென்ற அன்டொனெல்லி

மியாமி குரான் பிறீயில் மெர்சிடீஸ் அணியின் கிமி அன்டொனெல்லி வென்றுள்ளார்.

ஞாயிற்றுக்கிழமை (03) நடைபெற்ற இப்பந்தயத்தை முதலாமிடத்திலிருந்து ஆரம்பித்த இத்தாலியின் கிமி அன்டொனெல்லி வென்ற நிலையில், பந்தயத்தை நான்காமிடத்திலிருந்து ஆரம்பித்த நடப்பு போர்மியுலா வண் சம்பியனான லான்டோ நொரிஸ் இரண்டாமிடத்தைப் பெற்றதோடு, பந்தயத்தை ஏழாமிடத்திலிருந்து ஆரம்பித்த நொரிஸின் சக மக்லரன் அணியின் ஒஸ்கார் பியாஸ்திரி மூன்றாமிடத்தைப் பெற்றார்.

அந்தவகையில் இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 100 புள்ளிகளுடன் முதலாமிடத்தில் அன்டொனெல்லி காணப்படுகின்றார். மெர்சிடீஸ் அணியின் ஜோர்ஜ் ரஸல் 80 புள்ளிகளுடன் இரண்டாமிடத்திலும் 59 புள்ளிகளுடன் மூன்றாமிடத்தில் பெராரி அணியின் சார்ள்ஸ் லெக்கலெர்க் காணப்படுகின்றார்.