யூரோ: நெதர்லாந்தை வென்று இறுதிப் போட்டியில் இங்கிலாந்து

ஜேர்மனியில் நடைபெற்று வரும் ஐரோப்பிய கால்பந்தாட்டச் சங்கங்களின் ஒன்றியத்தின் யூரோ கிண்ணத் தொடரின் இறுதிப் போட்டிக்கு இங்கிலாந்து தகுதி பெற்றுள்ளது.

வியாழக்கிழமை (11) நடைபெற்ற நெதர்லாந்துடனான அரையிறுதிப் போட்டியில் 2-1 என்ற கோல் கணக்கில் வென்றே இறுதிப் போட்டிக்கு இங்கிலாந்து தகுதி பெற்றுள்ளது.

இங்கிலாந்து சார்பாக ஹரி கேன், ஒலி வட்கின்ஸ் ஆகியோர் தலா ஒவ்வொரு கோலைப் பெற்றனர். நெதர்லாந்து சார்பாகப் பெறப்பட்ட கோலை ஸ்கெவி சிமொன்ஸ் பெற்றார்.