தென் ஆபிரிக்க டெஸ்ட் தலைவராக ஹாசிம் அம்லா

 

இலங்கைக்கு கிரிக்கெட் சுற்றுப் பயணம் மேற்கொள்ளவுள்ள தென் ஆபிரிக்க டெஸ்ட்  அணிக்கு ஹாசிம் அம்லா தலைவராகவும், ஒரு நாள்ப் போட்டி அணிக்கு உப தலைவராகவும் செயற்ப்படும் அதேவேளை AB DE வில்லியர்ஸ் ஒரு நாள்ப் போட்டி அணிக்கு தலைவராகவும், டெஸ்ட்  அணிக்கு உப தலைவராகவும் செயற்ப்படுவார்கள். அண்மைக்கலமாக ஒரு நாள்ப் போட்டிகளில் சேர்க்கப்படாமல் இருந்த ஜக்ஸ் கலிஸ் மீண்டும் அணியில் இணைக்கப்படுள்ளார். இவர் டெஸ்ட்ப் போட்டிகளில் இருந்து ஓய்வு பெற்றுள்ளமை குறிப்பிடத்தக்கது. புதிய வீரர்களாக துடுப்பாட்ட வீரரான ஸ்டயான் வன் சைல், சுழல்ப் பந்து வீச்சாளரான டனி பிஎட் ஆகியோர் டெஸ்ட் அணியில் இணைக்கபட்டுள்ளனர்.
 

தென் ஆபிரிக்க அணி இழந்த முதலிடத்தை மீண்டும் பெறுவதே தனது மிகப் பெரிய இலக்கு என தலைவராக அறிவிக்கப்பட்ட பின்னர் ஹாசிம் அம்லா தெரிவித்துள்ளார். தன் துடுப்பாட்டம் இதன் மூலம் பாதிக்கப்பட மாட்டாது எனவும், அணிக்காக ஓட்டங்களை குவிக்கும் போது அணி வெற்றியைப் பெறும் எனவும் ஹாசிம் அம்லா மேலும் தெரிவித்துள்ளார்.