ஜடேஜா- அன்டர்சன் மோதல்: இந்தியா ஐ.சி.சிக்கு அழுத்தம்

இந்திய வீரர் ரவீந்தர் ஜடேஜா, இங்கிலாந்து வீரர் ஜேம்ஸ் அன்டர்சன் ஆகியோரின் மோதலின் முடிவு தொடர்பில் சர்வதேசக் கிரிக்கெட் பேரவையை மீள் முறையீடு செய்யுமாறு இந்திய கிரிக்கெட் கட்டுப்பாட்டு சபை கோரியுள்ளது. குறித்த வீரர்களின் பிரச்சினையை விசாரித்த சர்வதேசக் கிரிக்கெட் பேரவையின் நீதிக்குழுவின் பணிப்பாளர் கோர்டன் லூயிஸ் போதிய ஆதாரங்கள் இல்லாத நிலையில் இரு வீரர்களும் குற்றம் அற்றவற்றவர்கள் எனக் கூறி தீர்ப்பை வழங்கி இருந்தார். ஆனாலும் இந்த தீர்ப்பு இந்திய அணிக்கு எதிராகவே அமைந்துள்ளது. குறித்த தீர்ப்புக்கான மீள் முறையீட்டை இந்திய அணி செய்ய முடியாது. மீள் முறையீடு செய்வதற்க்கான அதிகாரம் சர்வதேசக் கிரிக்கெட் பேரவையின் பிரதம நிறைவேற்று அதிகாரி டேவிட் ரிச்சட்சனுக்கு மாத்திரமே உள்ளது. 

 

அவருக்கு இந்திய கிரிக்கெட் கட்டுப்பாட்டு சபை கடிதம் அனுப்பியுள்ளதை உறுதி செய்துள்ள சர்வதேசக் கிரிக்கெட் பேரவை 10 ஆம் திகதி இது பற்றி இறுதி முடிவு எடுக்கபப்டும் எனக் கூறியுள்ளது. 

 

சர்வதேசக் கிரிக்கெட் பேரவையின் விதிகளின் படி இந்திய கிரிக்கெட் கட்டுப்பாட்டு சபை மீள் முறையீடு செய்ய முடியாது. ஆனால் சர்வதேசக் கிரிக்கெட் பேரவை அந்த அதிகாரத்தை கொண்டுள்ளது. 

 

நேற்று இரவு சர்வதேசக் கிரிக்கெட் பேரவையின் பிரதம நிறைவேற்று அதிகாரிக்கு இந்த விசாரணையில் தவற விடப்பட்ட விபரங்களை முழுமையாக விளக்கி கடிதம் எழுதியுள்ளேன். இந்த தீர்ப்பில் எமக்கு திருப்பதி இல்லை. விதிமுறைகள் சரியாக பின்பற்றப்படவில்லை எனவும் அதில் குறிப்பிட்டுள்ளேன் என இந்திய கிரிக்கெட் கட்டுப்பாட்டு சபையின் செயலாளர் சஞ்சய் பட்டேல் ஊடகம் ஒன்றிற்கு தெரிவித்துள்ளார்.