இந்தியாவுக்கு 329 ஓட்டங்கள் இலக்கு

சிட்னியில் தற்போது நடைபெற்றுவரும் உலகக்கிண்ண கிரிக்கெட் போட்டியின் இரண்டாவது அரையிறுதி ஆட்டத்தில் இந்திய அணிக்கு 329 ஓட்டங்கள் இலக்காக நிர்ணயிக்கப்பட்டுள்ளன.

இந்தியா –அவுஸ்திரேலியா அணிகளுக்கிடையிலான அரையிறுதிப் போட்டி, இன்று வியாழக்கிழமை(26) சிட்னியில் ஆரம்பமானது.

நாணயசுழற்சியில் வெற்றிபெற்ற அவுஸ்திரேலிய அணி முதலில் துடுப்பெடுத்தாட தீர்மானித்தது.

இதன்படி முதலில் ஆடிய அவுஸ்திரேலிய அணி 50 ஓவர்கள் றிறைவில்7 விக்கெட் இழப்புக்கு 328 ஓட்டங்களை பெற்றுள்ளது.

 329 ஓட்டங்களை பெற்றால் வெற்றி என்ற இலக்குடன் இந்திய அணி துடுப்பெடுத்தாடவுள்ளது.

இந்த போட்டியில் வெற்றிபெறும் அணி, ஞாயிற்றுக்கிழமை நடைபெறவுள்ள உலக்கிண்ண இறுதிப்போட்டியில் நியூசிலாந்து அணியுடன் மோதவுள்ளமை குறிப்பிடத்தக்கது.