அனுமதியற்ற கட்டடங்கள்; தண்டப்பணம் அறவிட ஆலோசனை

காத்தான்குடி நகர சபையின் மாதார்ந்த அமர்வு, தவிசாளர் எஸ்.எச்.அஸ்பர் தலைமையில், இன்று (19) நடைபெற்றது.

இந்த அமர்வில், காத்தான்குடி நகர சபையின் பிரதித் தவிசாளர் எம்.ஐ.எம்.ஸெஸீம் உட்பட நகர சபை உறுப்பினர்கள் கலந்துகொண்டனர்.

இதன்போது, காத்தான்குடி நகர சபைப் பிரிவில், அனுமதியளிக்கப்படாமல் நிர்மாணிக்கப்பட்டுள்ள கட்டடங்களுக்கான தண்டப்பணம் அறவிடுதல் தொடர்பில் ஆலோசிக்கப்பட்டது.

அத்துடன், புதிய காத்தான்குடி பெரிய ஜும்ஆப்பள்ளிவாசல் வீதியில் நிர்மாணிக்கப்பட்டு வரும் வடிகான், தோணாக்கால்வாய் தொடர்பான பல்வேறு கலந்துரையாடல்கள் நடைபெற்றதுடன், கடந்த மாதக் கணக்கறிக்கையும் சபையில் அங்கிகரிக்கப்பட்டது.