அரச அதிகாரிகளுக்கு கொவிட் தடுப்பூசி

வ.சக்தி, எம் எஸ் எம் நூர்தீன்

மட்டக்களப்பு மாவட்டச் செயலகத்தில் கடமையாற்றும் அரச உயர் அதிகாரிகளுக்கு, சினோபாம் கொவிட் 19 தடுப்பூசி ஏற்றும் நடவடிக்கை, இராணுவத்தினரின் ஏற்பாட்டில், மாவட்டச் செயலகத்தில் இன்று  (26)  முன்னெடுக்கப்பட்டது.

இதன்போது முதலாவது தடுப்பூசியை மாவட்டச் செயலாளரும், மாவட்ட கொவிட் 19 தடுப்புச் செயலணியின் தலைவருமாகிய கே.கருணாகரனுக்கு ஏற்றப்பட்டது. அதனைத் தொடர்ந்து ஏனைய உயர் அதிகாரிகளுக்கும் தடுப்பூசி ஏற்றப்பட்டது.

மக்களுக்கான சேவையைத் தங்கு தடையின்றி வழங்க வேண்டுமென்பதற்காக மக்கள் மத்தியில் கடமையாற்றிவரும் பிரதேச செயலாளர்கள், மாவட்டச் செயலகத்தின் கிளைத் தலைவர்களுக்கு தடுப்பூசி ஏற்றப்பட்டு வருகின்றமை குறிப்பிடத்தக்கது.