அரச திணைக்களங்களுக்கு மும்மொழி பெயர்ப்பலகைகள்

அரச கரும மொழிகள் அமுலாக்கல் செயற்றிட்டத்தின் கீழ், மட்டக்களப்பு மாவட்டத்தில், அரச திணைக்களங்களுக்கான மும்மொழிகளிலான பெயர்ப்பலகைகள், மாவட்டச் செயலாளர் மா.உதயகுமாரால், இன்று (21) வழங்கப்பட்டன.

தேசிய ஒருமைப்பாடு, அரச கரும மொழிகள், சமூக மேம்பாடு, இந்து சமய விவகார அமைச்சின் நிதி ஒதுக்கீட்டின் கீழ், மட்டக்களப்பு மாவட்டத்தில், இத்திட்டம் நடைமுறைப்படுத்தப்பட்டுள்ளது.

இலங்கைப் பொக்குவரத்துச் சபையின் களுவாஞ்சிக்குடி, காத்தான்கு, வாழைச்சேனை சாலைகள், கமநல சேவைகள் திணைக்களத்தின் மாவட்டத்திலுள்ள 17 அலுவலகங்கள், 5 நீதிமன்றங்கள், வீதி அபிவிருத்தித் திணைக்களம் ஆகியவற்றுக்கான மும்மொழிப் பெயர்ப்பலகைகள், இதன்போது வழங்கப்பட்டன.