இந்தியப் பிரஜைகள் 12 பேருக்கு பிணை

-எஸ்.பாக்கியநாதன்

சட்டவிரோதமான முறையில் மட்டக்களப்பு, காத்தான்குடிப் பிரதேசத்தில்; ஆயுர்வேத மருந்துகள் மற்றும் புடைவைகள் விற்பனை செய்துவந்த குற்றச்சாட்டில் கைதுசெய்யப்பட்டு நீதிமன்றத்தில் ஆஜர்படுத்தப்பட்ட இந்தியப் பிரஜைகள் 12 பேரும் நேற்று வியாழக்கிழமை பிணையில் விடுதலை செய்யப்பட்டுள்ளனர்.

சுற்றுலா விசாவில் வந்து விற்பனையில் ஈடுபட்டு வந்த 7 ஆண்களும் 5 பெண்களுமாக 12 பேரும் கைதுசெய்யப்பட்டனர்.

இந்தப் 12 பேரையும்  20,000 ரூபாய் ரொக்கப் பிணையில் மட்டக்களப்பு நீதவான் நீதிமன்ற நீதவான் எம்.கணேசராஜா விடுதலை செய்துள்ளார்.

இவர்களுக்கான வழக்கு இம்மாதம் 30ஆம் திகதி எடுத்துக் கொள்ளப்படவுள்ளமை குறிப்பிடத்தக்கது