ஏறாவூர் இரட்டைக்கொலை; அறுவருக்கு விளக்கமறியல்

-ஏ.எச்.ஏ.ஹுஸைன்,எம்.எஸ்.எம்.நூர்தீன்,பேரின்பராஜா சபேஷ்

ஏறாவூர் இரட்டைக் கொலைச் சம்பவம் தொடர்பாக கைதுசெய்யப்பட்டு நீதிமன்ற உத்தரவின் பேரில் பொலிஸ் விசாரணைக்கு உட்படுத்தப்பட்டு வந்த  சந்தேக நபர்கள் ஆறு பேரும் இன்று வெள்ளிக்கிழமை ஏறாவூர் சுற்றுலா நீதவான் நீதிமன்றத்தில் ஆஜர்செய்யப்பட்டபோது, அவர்களை எதிர்வரும் ஒக்டோபர் 05ஆம் திகதிவரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

6 சந்தேக நபர்களும் நீதவான் எம்.ஐ.எம். றிஸ்வி முன்னிலையில் ஆஜர் செய்யப்பட்டனர்.

இக்கொலைச் சம்பவம் தொடர்பில் இதுவரையில் 6 பேர் கைதுசெய்யப்பட்டுள்ளனர்.

கொலை செய்யப்பட்ட 32 வயதுடைய பெண்ணினது  கணவரின் சகோதரன் ஏற்கெனவே 14 நாட்கள் விளக்கமறியலில் இருந்த நிலையில் அவரும் இன்று ஆஜர்படுத்தப்பட்டார்.