‘ஐக்கிய சமாதானக் கூட்டமைப்பின் முதலாவது பேராளர் மாநாடு’

ஐக்கிய சமாதானக் கூட்டமைப்பின் முதலாவது பேராளர் மாநாடு, காத்தான்குடி ஹோட்டல் பீச்வே மண்டபத்தில் எதிர்வரும் 23ஆம் திகதி ஞாயிற்றுக்கிழமை காலை நடைபெறவுள்ளதாக, அக்கட்சியின் தவிசாளரும் முன்னாள் அமைச்சருமான பசீர் சேகுதாவூத் தெரிவித்தார்.

ஐக்கிய சமாதானக் கூட்டமைப்பு ஆரம்பிக்கப்பட்டு நடைபெறும் முதலாவது பேராளர் மாநாடு இதுவாகும்.

இந்த மாநாட்டில், ஐக்கிய சமாதானக் கூட்டமைப்பின் செயலாளரும் முன்னாள் அமைச்சருமான எம்.ரி.ஹசன் அலி உபட்பட கட்சியின் தலைமைத்துவ சபை உறுப்பினர்களும் கட்சியின் நாடளாவிய ரீதியுள்ள முக்கியஸ்தர்களும் கலந்துகொள்ளவுள்ளனர்.

ஐக்கிய சமாதானக் கூட்டமைப்பின் எதிர்கால வேலைத்திட்டங்கள் குறித்து, இப்பேராளர் மாநாட்டின் போது ஆராயவுள்ளதாகவும் பசீர் சேகுதாவூத் மேலும் தெரிவித்தார்.