கோறளைப்பற்றில் 51 டெங்கு நோயாளர்கள்

மட்டக்களப்பு, கோறளைப்பற்று மத்தி சுகாதார வைத்திய அதிகாரிப் பிரிவில்  ஜனவரி மாதம் 01ஆம் திகதி தொடக்கம் நேற்று (12) வரையில் 51 டெங்கு நோயாளர்கள் இனங்காணப்பட்டுள்ளனரென, கோறளைப்பற்று சுகாதார வைத்திய அதிகாரி டாக்டர் எஸ்.நஜீப்ஹான் தெரிவித்தார்.

மட்டக்களப்பு மாவட்டத்தில் தொடர்ந்து பெய்து வரும் மழையைத் தொடர்ந்து, டெங்கு நுளம்புப் பெருக்கத்தைத் தடுக்கும் நோக்கில், கோறளைப்பற்று மத்தி சுகாதார வைத்திய அதிகாரி அலுவலகம், பல்வேறு வேலைத்திட்டங்களை முன்னெடுத்து வருகின்றது.

இதனடிப்படையில், அரச திணைக்களங்கள், வீடுகளுக்குச் சென்று அப்பகுதியின் சுற்றுச் சூழல் சுத்தம் தொடர்பாக அவதானிப்பதுடன், டெங்குத் தாக்கம் தொடர்பாகவும் பொதுமக்களை விழிப்படை செய்யும் நடவடிக்கையை சுகாதார வைத்திய அதிகாரி அலுவலகம் மேற்கொண்டு வருகின்றது.