துப்பாக்கி மீட்பு

-பேரின்பராஜா சபேஷ்

மட்டக்களப்பு, கரடியனாறு பொலிஸ் பிரிவுக்குட்பட்ட குசலானமலைப் பகுதியில்; மறைத்துவைக்கப்பட்டிருந்த ரீ -56 ரக தன்னியக்கத் துப்பாக்கியொன்றை இன்று வியாழக்கிழமை மீட்டதாகப் பொலிஸார் தெரிவித்தனர்.

பொதுமக்களிடமிருந்து கிடைத்த தகவலை அடுத்து, குறித்த இடத்துக்குச் சென்று இத்துப்பாக்கியை மீட்டதாகவும் இத்துப்பாக்கி பொலித்தீனினால் சுற்றப்பட்டுக் காணப்பட்டதாகவும்; பொலிஸார் கூறினர்.

கடந்த யுத்த சூழ்நிலையின்போது, தமிழீழ விடுதலைப் புலிகளினால் இத்துப்பாக்கி மறைத்துவைக்கப்பட்டிருக்கலாமெனவும் பொலிஸார் சந்தேகம் வெளியிட்டுள்ளனர்.  

இது தொடர்பில் பொலிஸார் விசாரணைகளை மேற்கொண்டு வருகின்றனர்.