பத்து கட்டாக்காலிகள் சிக்கின

மட்டக்களப்பு, களுவாஞ்சிகுடி பொலிஸ் பிரிவுக்குட்பட்ட பகுதிகளில், கட்டாக்காலி மாடுகளைப் பிடிக்கும் நடவடிக்கைகளை, மண்முனை தென் எருவில் பற்று பிரதேசசபையுடன் இணைந்து, களுவாஞ்சிக்குடி பொலிஸார், நேற்று (29) மேற்கொண்டனர்.

மட்டக்களப்பு - கல்முனை பிரதான வீதியில் மேற்கொள்ளப்பட்ட இந்தத் திடீர் நடவடிக்கையின்போது, பத்து கட்டாக்காலி மாடுகள் பிடிபட்டதோடு, அவையனைத்தும், பொலிஸ் நிலையத்தில் தடுத்து வைக்கப்பட்டுள்ளன. இக்கட்டாக்காலிகள் தொடர்பில், அறிவுறுத்தல்களும் விழிப்புணர்வு நடவடிக்கைகளும் மேற்கொள்ளப்பட்டும், இதை, சிலர் கவனத்தில் கொள்ளவில்லையென பொலிஸார் தெரிவித்தனர்.