பருத்தித்துறை நகரசபை உறுப்பினர்கள் மட்டு. மாநகரசபைக்கு விஜயம்

பருத்தித்துறை நகரசபைத் தவிசாளர் ஜோ.இருதயராஜா தலைமையிலான நகரசபை  உறுப்பினர்கள், மட்டக்களப்பு மாநகரசபைக்கு, இன்று (20) விஜயமொன்றை மேற்கொண்டனர்.

மட்டக்களப்பு மாநகரசபை மேயர் தியாகராஜா சரவணபவன் அழைப்பின் பேரில், யாழ்ப்பாணம், பருத்தித்துறை நகரசபைத் தவிசாளர், உபதவிசாளர் தலைமையிலான நகரசபை உறுப்பினர்கள், உத்தியோகத்தர்கள் இந்த விஜயத்தை மேற்கொண்டனர்.

இக்குழுவினர்,  மட்டக்களப்பு மாநகர மேயர் தலைமையில் நடைபெற்ற கலந்துரையாடலில் கலந்துகொண்டதுடன், மாநகரசபை அமர்வுகள் நடைபெறும் சபை மண்டபம் , மேயரின் அலுவலகம் ஆகியவற்றையும் பார்வையிட்டதுடன், மட்டக்களப்பு மாநகரசபையால் முன்னெடுக்கப்பட்டுள்ள மரநடுகை வேலைத்திட்டங்களையும் பார்வையிட்டனர்.

இந்தக் கள விஜயம் தொடர்பாக பருத்தித்துறை நகரசபைத் தவிசாளர் ஜோ.இருதயராஜா தெரிவிக்கையில், இங்கு பெற்றுகொண்ட அனுபவங்களைக் கொண்டு, தமது  நகரசபைகுட்பட்ட  பிரதேசங்களில் 1,000  மரக்கன்றுகளை நடுவதற்கான வேலைத்திட்டங்களை முன்னெடுக்கவுள்ளதாகத் தெரிவித்தார்.