மட்டக்களப்பு மாவட்டத்தில் ‘போசாக்கு மேம்பாட்டுத் திட்டம்’

சுகாதார சுதேச வைத்தியத்துறை அமைச்சின்  போசாக்கு ஒருங்கிணைப்பு பிரிவின் ஏற்பாட்டில், மட்டக்களப்பு மாவட்ட  முன்பள்ளி ஆசிரியர்களுக்கான  போசாக்கு மேம்மபாட்டு செயலமர்வு, மட்டக்களப்பு மாவட்ட செயலகத்தில் இன்று (14) நடைபெற்றது.

இச்செயலமர்வு, முன்பள்ளி சிறார்களின் போசாக்கு நிலையை மேம்படுத்தும் முகமாக மட்டக்களப்பு  மாவட்ட 14  பிரதேச செயலக பிரிவிலுள்ள முன்பள்ளிப் பாடசாலைகளில்  கடமையாற்றுகின்ற  80 ஆசிரியர்களுக்கு நடத்தப்பட்டது.

மட்டக்களப்பு மாவட்ட முன்பிள்ளைப் பருவ அபிவிருத்தி இணைப்பாளர் வி.முரளிதரன் ஒழுங்கமைப்பில், மட்டக்களப்பு மாவட்ட செயலக  மேலதிக காணி அரசாங்க அதிபர் திருமதி  நவருபரஞ்சனி முகுந்தன் தலைமையில் இச்செயலமர்வு நடைபெற்றது.

இதில், மாவட்ட செயலக உதவி மாவட்ட செயலாளர் எ.நவேஸ்வரன், வளவாளர்களாக சுகாதார அமைச்சின் உதவிப் பணிப்பாளர் திருமதி சுபோஜனி ஜனகன், மட்டக்களப்பு பிராந்திய  சுகாதார சேவை அலுவலக அதிகாரி வைத்தியர் அச்சுதன் ஆகியோர் கலந்துகொண்டனர்.