மட்டக்களப்பில் கடும் மழை

-வா.கிருஸ்ணா, வடிவேல் சக்திவேல்

மட்டக்களப்பு மாவட்டத்தில் கடந்த சில தினங்களாக தொடர்ந்து கடும் மழை பெய்துவரும் நிலையில், கடந்த 24 மணித்தியாலங்களில் மட்டக்களப்பு நகரில் 19.9 மில்லிமீற்றர் மழை வீழ்ச்சி பதிவாகியுள்ளது.

நவகிரிப் பகுதியில் 66.0 மில்லிமீற்றர் மழை வீழ்ச்சியும் தும்பங்கேணிப் பகுதியில் 37.0 மில்லிமீற்றர் மழை வீழ்ச்சியும் பாசிக்குடாவில் 18.0 மில்லிமீற்றர் மழை வீழ்ச்சியும் மைலம்பாவெளியில் 41.0 மில்லிமீற்றர் மழை வீழ்ச்சியும் உன்னிச்சையில் 42.9 மில்லிமீற்றர் மழை வீழ்ச்சியும் வாகனேரியில் 28.8 மில்லிமீற்றர் மழை வீழ்ச்சியும் கட்டுமுறிவு பகுதியில் 41.6 மில்லிமீற்றர் மழை வீழ்ச்சியும் உறுகாமத்தில் 83.6 மில்லிமீற்றர் மழை வீழ்ச்சியும் பதிவாகியுள்ளதாக மட்டக்களப்பு வானிலை அதிகாரி கே.சூரியகுமார் தெரிவித்தார்.