மணல் அகழ்ந்த இருவர் கைது

வாழைச்சேனை பொலிஸ் பிரிவில் வாகனேரிப் பகுதியில் சட்டவிரோதமான முறையில் மணல் ஏற்றி வந்த இருவர், ஓட்டமாவடி பகுதியில் வைத்து இன்று (19) காலை கைதுசெய்யப்பட்டனரென, வாழைச்சேனை பொலிஸ் நிலையப் பொறுப்பதிகாரி தனஞ்சய பெரமுன தெரிவித்தார்.

அத்துடன், சந்தேகநபர்கள் வந்த உழவு இயந்திரங்கள் இரண்டும், இதன்போது கைப்பற்றப்பட்டன எனவும் பொறுப்பதிகாரி தெரிவித்தார்.

கிரான் பிரதேச செயலாளர் பிரிவில் பொண்டுகள்சேனை, வாகனேரி, ஆத்துச்சேனை போன்ற பகுதிகளில் சட்டவிரோதமான முறையில் மணல் ஏற்றுவதாகப் பொலிஸாருக்குக் கிடைத்த தகவலையடுத்து, மேற்படி இருவரும் கைதுசெய்யப்பட்டுள்ளனர்.