முன்னாள் போராளியின் சடலம் மீட்பு

 ரீ.எல்.ஜவ்பர்கான், ஏ.எச்.ஏ. ஹுஸைன்

மட்டக்களப்பு - களுவாஞ்சிக்குடி பொலிஸ் பிரிவில், தமிழீழ விடுதலைப் புலிகள் இயக்கத்தைச் சேர்ந்த முன்னாள் போராளியொருவரின் சடலம், நேற்று (05)  அவரது வீட்டிலிருந்து மீட்கப்பட்டுள்ளதாக, பொலிஸார் தெரிவித்தனர்.

ஐந்து பிள்ளைகளின் தந்தையான 45 வயதுடைய வைரமுத்து திசவீரசிங்கம் என்பவரே, இவ்வாறு சடலமாக மீட்கப்பட்டுள்ளாரென, களுவாஞ்சிக்குடி பொலிஸார் தெரிவித்தனர்.

யுத்த காலத்தில் இடம்பெற்ற தாக்குதல் சம்பவங்களின் போது, இவரது சரீரத்தில் உள்நுழைந்த ஆயுதப் பொருட்களின் துகள்கள், தொடர்ந்து அகற்றப்படாமல் இருந்தமையால், இவர் அடிக்கடி வலிப்பு உபாதைக்கு உள்ளாகி வந்ததாகவும் இதனால் பெருமளவில் விரக்திக்கு உள்ளாகியிருந்த இவர், ஏற்கெனவே தனது உயிரை மாய்த்துக்கொள்ள முயற்சித்த நிலையில் காப்பாற்றப்பட்டிருந்தார் என்றும், பொலிஸ் விசாரணைகளில் தெரியவந்துள்ளது.