விஸ்தரிக்கப்பட்ட நவீன கடை தொகுதி கையளிப்பு

ஏ.எச்.ஏ. ஹுஸைன், ஒலுமுதீன் கியாஸ், அப்துல்சலாம் யாசீம், ஹஸ்பர் ஏ ஹலீம், கே.எல்.ரி.யுதாஜித்

மட்டக்களப்பு நகரை அண்மித்த கல்லடிப் பகுதியில் பொதுமக்களினதும் வர்த்தகர்களினதும் பாவனைக்காகவும், உள்ளூர் உற்பத்தியாளர்களுக்கான சந்தை வாய்ப்புகளை ஏற்படுத்திக் கொடுக்கும் நோக்கிலும், மட்டக்களப்பு மாநகர சபையால் அமைக்கப்பட்ட கடைத்தொகுதி, நேற்று (12) திறந்துவைக்கப்பட்டது.

மட்டக்களப்பு மாநகர சபைக்கு மக்களால் செலுத்தப்பட்டு வரும் வரிப் பணம், மீண்டும் பொதுமக்களுக்கே பயனுள்ளதாக மாறவேண்டும் என்ற நோக்கோடு, இத்திட்டததை அமுல்படுத்தியதாக, மேயர் தியாகராசா சரவணபவன் தெரிவித்தார்.

சந்தைக் கட்டடத் தொகுதி, மக்களிடம் கையளிக்கும் நிகழ்வில் மாநகர ஆணையாளர் காசி சித்திரவேல், பிரதி மேயர் கந்தசாமி சத்தியசீலன், பிரதி ஆணையாளர் நாகராஜா தனஞ்ஜெயன், மாநகர சபையின் உறுப்பினர்கள், மாநகர சபை உத்தியோகத்தர்கள், பொதுமக்கள் கலந்துகொண்டிருந்தனர்.